مفيش علاقات غير سوية إلا وبيكون في بدايتها تقديم تنازلات ممكن نشوفها صغيرة .. وللأسف التنازلات دي بتكبر مع الوقت وبيكون من بدون مقابل؛ يعني بتدي ومفيش حاجة بترجعلك، بتيجي
مفيش علاقات غير سوية إلا وبيكون في بدايتها تقديم تنازلات ممكن نشوفها صغيرة .. وللأسف التنازلات دي بتكبر مع الوقت وبيكون من بدون مقابل؛ يعني بتدي ومفيش حاجة بترجعلك، بتيجي على نفسك واللي قدامك مش بيعاملك بنفس الطريقة .. وده للأسف بيبني نمط سولكي خاطئ ممكن يخلي الطرف التاني يستغل ده ويبدأ يتمادى في طلباته ويبدأ يفتكر إن ده الطبيعي ..
ومن هنا العلاقة بتبدأ تاخد منحنى تاني، وتبدأ تمشي في طريق إن في شخص بيدي وبيتعب وبييجي على نفسه وطرف آخر مش بيتعامل بنفس العقيدة دي وبيتمادى كل فترة .. هنا بيبدأ يتحول الشخص اللي كان بيتنازل في مقابل المشاعر، إنه بيحاول مضطراً إنه يتعايش على نفس الوضع علشان العلاقة تستمر .. والطرف التاني عايش في غيبوبة بسبب السلوك الخاطئ اللي اتعودت عليه العلاقة ..
مهم نفهم إن العلاقة نفسها محتاجة تربية وسلوك سوي يمشي عليه كل أطراف العلاقة ويكون أساسه العطاء والاحترام المتبادل .. ويكون في مساحة أمان وحدود لكل الأطراف ماتسمحش لحد يتخطى باسم الحب أو المشاعر ..