نصائح جميله لمطبخك

لمطبخك , جميله , نصائح

نصائح جميله لمطبخك

نصائح جميلة تخلي اكلك لذيذ ❤️

زبادي في تتبيلة البانيه بيخلية طرى ومستوى كويس جدا

1-البتنجان المحمر خليه وهو سخن واقفلي عليه العلبه عشان يطلع طرى مش ناشف

2-ملعقة بيكنج بودر في شوربة اللي هتسقي بيها الرقاق باللحمه هيبقي مقرمش ومورق

3-البطاطا المشوية واعمليها في الكيس الحراري رشي عليها سكر وتدخليها الفرن هتستوى اسرع وهتبقى خياليه

4-ادعكي الفراخ ببصلة وملح وفلفل قبل السلق عشان يبقى ليها طعم وريحة ومتبقاش زفرة

5-لما تشربي القهوة مترميش التفل ده سكرب هائل لبشرتك ادعكى بية وشك وايدك ☺️

6-اكياس الشاي مترميهاش سقعيها وحطيها علي عينك للاجهاد والهالات السودا😉

7-الرز باللبن ضيفي كيس كريم شانتيه هيخلى الطعم جامد وزى بتاع برة بالظبط والوش كريمي 😋

8-والبسبوسة لازم عسل ابيض او عسل تقيل في العجن عشان تكون زى الجاهزة واحلى كمان 😉ياويلي ياويلي

9-رشي دقيق علي بصل الكشري قبل التحميرعشان يكون مقرمش

10-رشة زعتر علي صلصة المكرونة بتدى ريحة حلو وطعم مميز

11-بيكنج بودر علي عجينة الكفته المشوية ميخلهاش تكش وتكون منفوشة زى ما هى

12-لفي الليمون في ورق جرائد عشان يحتفظ بلونة وميعفنش

13- لخلطة المحشي ابشري الطماطم متعصريهاش في الخلاط لو بتحبية نى فى نى مش متسبك بيخلى طعمة جميل

14-تشوح اللحم في الزبد وحبهان وورق لورا قبل السلق نديها صدمة عشان يبقى لونة بنى وجميل مش بيضة

15-الرز الابيض شوحي مستكة وحبهان في السمن قبل الرزهيدى ريحة حلوة لرز

16-لاحلي صلصة مكرونة اضربي مع الطماطم توم وفلفل رومي وفلفل حامي

17-إدهني الفراخ والبط بكاتشب وملح وفلفل وقرفة قبل ما تحطيها فى الفرن هيخليها لونها حلو

18-الحمام المحشي 30 دقيقة بعد غلي الميه لسلقة
الممبار 45 دقيقة لسلقة
الفراخ المحشية ساعة وربع

19-الكيس الحراري لتسوية الفراخ والبط

20حشو الجلاش موتزريلا مع العصاج

21-الرز البسمتي اكشفي الغطا بعد ما يستوي عشان يبقى مفلفل ميعجنش

22-زيت البطاطس نضفي بيه السيراميك والشفاط هينضف بسرعة جدا

23-وانتي بتقلي البانيه حطي ملعقة زبدة مع الزيت هيبقي زي المطاعم

الموضوع الأصلي: نصائح جميله لمطبخك || الكاتب: نور || المصدر: منتديات غيمة عطر

منتديات غيمة عطر

---

kwhzp [ldgi gl'fo;

سلمت يداك ..
ودائما في إنتظار جديدك
لاخلاولاعدم

طرح هادف, يستحق الوقفه والتامل.

المشاركه المفيده , تتكون من كلام طيب,

والكلمه الطيبه صدقه.... بارك الله فيك.