الإهداءات |
|
#السيرة_النبوية ❤️ 👈محاوله أبو سفيان الفاشله في خداع النبي 🤚 💢شوفنا إمبارح كفار قريش و همه خايفين من عواقب غدرهم بالنبى عليه الصلاة و السلام و نقضهم لصلح الحديبية
|
07-06-2023
|
|
|
|
عضويتي
»
890
|
جيت فيذا
»
Sep 2021
|
آخر حضور
»
منذ 7 دقيقة (01:37 AM)
|
آبدآعاتي
»
15,424
|
حاليآ في
»
sprite
|
دولتي الحبيبه
»
|
جنسي
»
|
التقييم
»
|
آوسِمتي
»
|
|
|
|
السيرة النبوية
#السيرة_النبوية ❤️
👈محاوله أبو سفيان الفاشله في خداع النبي 🤚
💢شوفنا إمبارح كفار قريش و همه خايفين من عواقب غدرهم بالنبى عليه الصلاة و السلام و نقضهم لصلح الحديبية و مشاركتهم فى قتل مسلمين خزاعة فبسرعة عملوا إجتماع قبل ما خبر الغدر يوصل للنبى .. و أقترح أبو سفيان فكرة و هيه أنه يروح للنبى المدينة و يقترح عليه أنه يمد صلح الحديبية ل 20 سنة ..
طيب هيستفيدوا إيه من مد الصلح ؟
هيستفيدوا إنهم لما يتفقوا مع النبى على أتفاق جديد فى المعاهدة الجديدة , العقد الجديد هيلغى العقد القديم , فبالتالى سيدنا محمد لما يوصل له خبر الغدر مش هيقدر يحاربهم بناءا على نص الإتفاق الجديد .. فرحت قريش بالإقتراح ده و وافقوا عليه .. بس طبعاً همه ميعرفوش إن خلاص خبر غدرهم وصل للنبى من بدرى ..🤚
المهم فعلا طلع أبو سفيان من مكة و وصل للمدينة و لما كان فى الطريق .. شافوه المسلمين بس محدش ضايقه بكلمة عشان العهد اللى بين المسلمين و بين قريش ، عشان فى معاهدة سلام بينهم ، زائد إن كمان كان لسه الخبر بتاع قتل مسلمين خزاعة منتشرش .. دخل أبو سفيان المدينة و راح لابنته " رملة " دى زوجة النبى و كان بقاله سنين مشفش بنته ، المهم دخل أبو سفيان بيتها فلقى فرش على الأرض و لسه جى أبو سفيان يقعد .. جريت رملة بنته بسرعة و سحبت الفراش من تحته !
فغضب أبو سفيان و قال : " يا بنية , ما بكى ؟ أرغبتى بى عن الفراش أم رغبتى بالفراش عنى ؟ " .. فقالت : " بل رغبت به عنك " ( يعنى خايفة منك توسخ الفراش ، لأنك مشرك و هذا فراش رسول الله صلى الله عليه وسلم ) ،
فقال : " يا بنية , لقد أصابكى بعدى شر ! " , فقالت : " لا والله , ما أصابنى بعدك مع رسول الله الا كل الخير " ❤️
💢و يخرج أبو سفيان و يروح على المسجد النبوى ..
و كان قاعد فيه النبى عليه الصلاة والسلام و قبل ما يدخل أبو سفيان , قال النبى للصحابة : " يأتيكم الآن أبو سفيان , يريد أن يشد فى العهد ويزيد فى المدة " ,
فقال الصحابة : " نشهد أنك رسول الله " .. و بعدين دخل أبو سفيان المسجد على النبى ، أصل النبى عارف كل الخدعة بتاعة أبو سفيان بوحى من الله ..👌
فقال أبو سفيان : " يا رسول الله , لم أحضر صلح الحديبية , وقد بدا لى أنه صلح خير .. فإنى أتيتك لنزيد فى المدة " ، فسكت النبى و مردش .. و فضل أبو سفيان يحاول .. و بردوا النبى ساكت و مردش .. لأنه عارف إن أبو سفيان جى يخدعه .. النبى بيلعب بأعصاب أبو سفيان و مرديش يمد العهد ، فأبو سفيان مكنش عارف يعمل إيه فمشى و راح لأبو بكر لعله ينقذه ، و لكن سيدنا أبو بكر رفض .. 🤚
فأبو سفيان فقد الأمل من سيدنا أبو بكر , فسابه وراح لسيدنا عمر بن الخطاب رضى الله عنه و أرضاه .. فقال سيدنا عمر لأبو سفيان : " أبو سفيان ! ماذا تريد يا عدو الله ؟! " ,
فقال : " يا عمر , جئتك فى خير " ، و حكاله القصة و إن النبى لم يقبل عرضه و أنه عايز يتوسطله عند النبى .. فرد سيدنا عمر و قال : " ألم تجد غيرى ؟! والله لو لم أجد إلا الذر ( أصغر حاجة ) لقاتلتكم به ! " .. أبو سفيان فقد الأمل من سيدنا عمر , لحد ما راح لآخر واحد يرجوه و هو سيدنا " على بن أبى طالب " مين فى بيت سيدنا على دلوقتى ؟
سيدنا على و فاطمة و الحسن كان بيلعب ما بينهم .. المهم دخل أبو سفيان و سلم على سيدنا على , وقال له : " والله يا على , لقد أصابنى أمراً شديداً ، و جئت إليك يا على لأنك أقرب الناس إلي فى المدينة " .. و حكى له اللى حصل مع النبى و أبو بكر و عمر ..🤚
💢فقال على : " يا أبا سفيان , إنى لا أملك أن أراجع رسول الله أبداً " .. فبص أبو سفيان لفاطمة و قال لها : " يا فاطمة .. هل يمكنك أن تأمرى الحسن أن أكون فى حمايته ؟! " ( عشان عايز يضمن إن المسلمين ميحاربوش أهل مكة بعد ما يعرفوا خبر الغدر بخزاعة ) ،
فقالت : " هو طفل و لا يجير بين الناس ! " .. فقال أبو سفيان : " يا على , إنى والله فى كرب شديد ! " ..
ففكر سيدنا على و قال : " وجدت لك حلا ، أذهب الآن إلى المسجد , وقف و قل .. أنا أبا سفيان بن حرب , سيد قريش , قد أجرت بين الناس , لا يعتدى أحد على أحد , ولا يقاتل أحد أحداً " .. فقال أبو سفيان : " أقول ذلك ؟! وهل تنفع أجارتى يا على ؟ " .. فقال على : " لا ! " ,قال : " ولم تأمرنى بها ؟! " .. فقال علي : " لأنى لا أجد لك غيرها " ..
💢و فعلاً دخل أبو سفيان المسجد النبوى و قدام الناس كلها قال : " أيها الناس , أنا أبا سفيان بن حرب , سيد قريش , قد أجرت بين الناس , لا يعتدى أحد على أحد , ولا يقاتل أحد أحداً " ، فالناس بصوا له و محدش أهتم بكلامه .. خرج أبو سفيان من المدينة و رجع لمكة فلقى كبراء قريش مستنيينه على الباب , فحكى لهم اللى حصل ..🤚
فقالوا له : " خبت و خسرت ! إن علي بن أبى طالب يلعب بك " .. و فهموا أن طبعاً كل اللى حصل مش هيأثر فى حاجة و إن أكيد النبى مش هيسكت لما يوصل له خبر الغدر ..( أصل قريش فاكرة إن النبى موصلتلوش لسه أخبار الغدر عشان كده كانوا بيحاولوا يخبوا علي المسلمين الخبر ) ..
طيب بيحصل إيه فى المدينة دلوقتى ؟ ..
❤️❤️❤️❤️❤️صلوا على النبي ❤️❤️❤️❤️❤️
👈النبي يفرض سريه تامه على فتح مكه ولكن 🤚
💢النبى بيجهز الجيوش و الوقت ده كانت فيه قبائل كتيرة أسلمت ، و قبائل تبايع النبى ومنهم قبيلة " غفار " فيدعوا لها النبى قائلاً : " جاءت غفار غفر الله لها " .. وتأتى قبيلة " أسلم " فيدعوا لها النبى : " جاءت أسلم سالمها الله ".. و كل دى قبائل أنضمت لحلف النبى .. 👌
و النبى هدفه أنه يوصل بالجيش لمكة و يفاجئ قريش .. فبردوا عمل تعتيم شديد على خبر فتح مكة .. لدرجة أن أثناء تجهيز الجيش .. النبى عليه الصلاة و السلام مش هيقول لحد أنه خارج لفتح مكة إلا المقربين منه ..
فبعض الصحابة عملوا قصيدة مدح النبى و فى أخرها بيسئلوه إلى أين يا رسول الله ؟ فيسمع النبى القصيدة و يبتسم و يسكت ...🤗❤️
أصل النبى قلقان من المنافقين اللى فى المدينة أنهم يسربوا الخبر .. لكن هتحصل حاجة مش فى الحسبان يا ترى إيه هى ؟! ..
👈يوم ما عمرو بن سالم قال للنبى على خبر غدر مكة بمسلمين قبيلة خزاعة .. كان موجود صحابى أسمه " حاطب بن أبى بلتعة " ، فلما عرف حاطب بغدر قريش .. ففهم إن النبى هينوى فتح مكة .. فقام باعت رسالة لأبو سفيان و قال فيها إن رسول الله يجهز جيشآ لقتالكم و معه 10 ألاف جندى من العرب ..
و يبعت حاطب الجواب مع إمرأة و قال لها خبى الجواب فى هدومك لحد ما توصليه لأبو سفيان 😔
💢 بس تفتكروا هتقدر توصل بالجواب لمكة ؟ .. لأ الحمد لله مش هتوصل .. بس إزاى ؟! ..😑
نزل جبريل على النبى و بلغه باللى عمله سيدنا " حاطب بن أبى بلتعة ".. و قال له إن الجواب مع الست و أخبره بمكانها .. فبسرعة يبعت النبى سيدنا " على ابن أبي طالب " و سيدنا " الزبير " عند مكان المرأة و فعلاً يروحوا فيلاقوها ..👌 فيقولولها : " أعطنا الرسالة " ..
فقالت : " ليست معى رسالة ".. فقالوا : " كذبتى .. ما كذب جبريل و ما كذب رسول الله فأعطنا الرسالة أو سنأخذها منك بالقوة " .. فقامت مطلعة الجواب ..
و بسرعة راح علي للنبى و بدأ يقرأ الجواب للنبى .. و يقف حاطب و حواليه بعض المسلمين بيسمعوا الجواب و حاطب ده مش مسلم عادى .. ده مجاهد حارب فى غزوة بدر و الخندق و خيبر .. فيسمع النبى الرسالة و يبص له و يقول : " ما هذا يا حاطب ؟ " .. فيقول حاطب : " يا رسول الله لا تعجل و أسمع منى " .. فيقول النبى : " تكلم يا حاطب "..
فقال حاطب : " يا رسول الله إنى لى قرابة من الأهل يعيشون فى مكة و خشيت عليهم أن تقتلهم قريش فأردت أن أفعل معروف يتذكروه لى. و علمت أن الله سيحميك يا رسول الله و لن يخزيك أبدآ و لكنى أردت أن أحمى قرابتى " ( و ده ذنب ضعف مش خيانة ) ..
💢فسيدنا عمر بن الخطاب مدايق جداً فقال : " يا رسول الله دعنى أضرب عنقه ".. فراح النبى قايل : " مهلاً يا عمر فهو ممن حارب فى غزوة بدر .. فلعل الله أطلع إلى أهل بدر فقال : أعملوا ما شئتم فقد غفرت لكم " ( يعنى ذنب حاطب ممكن يكون مغفور بسبب تعبه مع المسلمين فى جهاده فى غزوة بدر ) .. 👌
فتأثر سيدنا عمر أوى بمغفرة و رحمة ربنا الواسعة ❤️
شايفين كأن حاطب له عند ربنا رصيد من الأعمال الحسنة بترفعه عند ربه ، قال تعالى : { إن الحسنات يذهبن السيئات } و عدت المشكلة و الناس بقت تتعامل مع حاطب عادى ..
و نشوف هنا جمال المجتمع المسلم وهو بيحتوى اللى بيغلط و يسامحه ..🤗❤️
💢هيخرج الجيش من المدينة بس النبى هيأمرهم بالإتجاه إلى منطقة " ذى مروة ".. عشان لو مكة بتراقب النبى .. تتشتت و تتلخبط .. و ينخدعوا أن النبى مش رايح ناحية مكة .. و كمان ينخدع المنافقين ، المهم طول الطريق لذى مروة النبى بقى يريح الجيش و بياكلوا و يناموا فترات طويلة ، و أول ما بدأ الجيش يقرب من ذى مروة ..
أصدر النبى أوامر بتغيير مسار الجيش و أمر أنهم يتحركوا فى إتجاه مكة .. و هنا كانت المفاجأة .. 🤚🤚
هنكمل تفصيلها بكرة إن شاء الله ❤
#كن_محمديا
👈هذة الحلقات نقلا عن
#سيرة_النبوية
لمتابعه ب
hgsdvm hgkf,dm hga[vm
|
07-06-2023
|
#2
|
جزاك الله خيرا
وجعلة فى ميزان حسناتك
|
|
|
08-06-2023
|
#3
|
08-06-2023
|
#4
|
مشاركه جيده ومفيده
وتفاعل طيب ...وتواجد جميل
بارك الله فيك
|
|
|
08-06-2023
|
#5
|
جازاك الله عنا خيرا ...لما أهديت للمكان طرح طاهر نبيل ....
كان في ميزان حسناتك ان شاء الله
|
|
|
15-06-2023
|
#6
|
بارك الله فيك وفي طرحك القيم
جزآك آلله خيرا
|
|
|
15-06-2023
|
#7
|
روعه تسلم الايادي على الطرح القيم موضوع جميل شكرا جزيلا لكم تحياتي
|
|
|
تعليمات المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
كود HTML معطلة
|
|
|
الساعة الآن 01:44 AM
| | | | | | | |