هل الطلاق الشفوى لايقع ؟

.... , لايقع , لطرح , الله , الرحمن , الشفوى , الورود , الطلاق , جعله , عملك , وجعل

هل الطلاق الشفوى لايقع ؟؟؟

هل الطلاق الشفوى لايقع ؟؟؟

الحمد لله والصلاة والسلام علي رسول الله ومن والاه واتبع هداه
أما بعد
هل يقع الطلاق حين نطلقه بلسان عربي مبين بلفظ صحيح وواضح وصريح ؟؟؟
الجواب
يقع .... لما واحد يقول لزوجته أنت طالق بالشكل دا
أنت طالق الجواب يقع
لكن لو حرّف في لفظ الطلاق سئل عن نيته
كيف ذلك ؟؟؟
الإمام السيوطي قال بأن يقول لها : أنت تالك
زى المصرين لما بيقولوا أنت طالئ بالهمزة
فدا بنسأله سؤال زيادة عن قصده
إنما لو قال : أنت طالق ــ وقع الطلاق
ولكن وهو بيقول لها أنت طالئ يبقى لازم نقوله أنت قصدك إيه ؟؟؟
يقول الإمام الباجوري ـ ولو كانت لغة قومه زى مصر ولبنان
طيب لو سألناه عن نيته قال أيوه أنا عايز الطلاق
ــــ خلاص يقع
طيب مايروح للمأذون
أصل فيه فرق ما بين وقوع الطلاق وبين إثبات الطلاق
وقوع الطلاق يقع بهذه اللفظة والوقوع ألفاظ يقولها للمرأة
طيب الشرط بتاعها إيه ؟؟؟ هو أن يكون قاصدا
يعني إيه قاصد ؟؟؟ مش ناوي
طيب وإيه الفرق بين النية وبين القصد ؟؟؟
لو واحد بيقول لمراته تتصوري إن جارنا قال لزوجته أنت طالق
هنا لا يقع الطلاق ليه لأنه بيحكي حكاية ميقصدهاش هي
طيب فقيه بيعلم مراته وبيقول لها لو قال الزوج لزوجته أنت طالق
متجيش هيه تتحجج وتقوله أنت طلقتني
لأنك قلت لي إنت طالق في وشي مينفعش ليه لأن مفيش قصد وقاسوا عليها
الشيخ حسب الله الله يرحمه وغيره قاسوا عليها ما يحدث في الأفلام والمسلسلات
والمسرحيات لأن فيه ممثلين متزوجين من ممثلات يعنى لو ممثل قال لزوجته أثناء
المسلسل أو الفيلم أنت طالق ــ لا يقع لأن مفيش قصد دى حكاية دا تمثيل دا عايز
يقول لها أن بطل الرواية قال لبطلة الرواية عند المؤلف إنت طالق فدى حكاية يعني
مفيش قصد وكذلك لو عقد زواج لايقع لأن كل دا مفيش قصد دي حكاية للمؤلف ليس له قصد

لكن النية بقى قال لزوجته إنت طالق وبعدين ذهب لدار الفتوى وقال أنا قلت انت طالق
بس أنا ما كنت ناوي أطلق ــ نقوله لا يعتبر هذا الكلام هذا الطلاق وقع لأن أنت قلت لفظ
صريح لا يحتمل التأويل ولا يحتمل القصد أنت قلت لزوجتك أنت طالق وهذا لفظ شرعي صريح
يؤدي إلي إنفصال وانهاء لعقد الزواج الي بينك وبين زوجتك ــ إذن وقع الطلاق

والله يقول (الطلاق مرتان فإمساك بمعروف أو تسريح بإحسان)
قوم الوقت عايزين يشترطوا أن لا يقع الطلاق قبل ما يروحوا للمأذون
ما هو موجود في القانون من سنة 1931 وما حلش المشكلة
المادة 5 في القانون بتقول إن اللي بيطلق زوجته شفوي كده زي ما قلنا
ومايرحش يوثق عند المأذون في خلال 30 يوم القاضي يحبسه ومفيش حد
عارف دي والناس ماشية شمال

يجي واحد من الشيوخ يقول ما هو أنا قصدي الطلاق الشفوي لا يقع
قلت له انت بتقول كده ليه ؟؟؟
فال : لمصلحة الناس أو لمعالجة مشكلة معينة ؟؟
قال : أيوه علشان نسب الطلاق زادت
قلت له زادت فين ؟؟
دي زادت عند المأذون دا اللي عند المأذون كان نسبة الطلاق 13 في المائة
بناء على إحصاءات وزارة العدل المصرية الوقت أصبح نسبة الطلاق 40 في المائة
إنت بتقول يروحوا للمأذون ما هم راحوا للمأذون يبقى ليه العبث
يبقى بندرس المشكلة علي غير وجهها إزاي ؟؟
بأني مش عارف الحقائق فاكر إن النسبة 40 في المائة دى إيقاع طلاق شفوي فعشان
نحد من النسبة دي نروح للمأذون فاتضح الحقيقة أن النسبة دى هيه إللي عند المأذون
المشكلة نفسها هيه إللي عند المأذون يبقى إنت بتشترط مأذون في إيه ؟؟؟

طيب لو مشينا ورا رأيهم مثلا وقلنا الطلاق الشفوي لايقع مثلا وأخذنا هذا الاتجاه مثلا
طيب النسبة هتفضل زي ما هيا لأن النسبة دي مثبته عند المأذون مش شفوي

طيب الطلاق الشفوي إيه الحال بتاعوا ؟؟
يبقى لازم ندرس ونوضح لازم يبقى عندنا إحصاءات وبيانات عشان لما نكلم يبقى
بنكلم عن بينة وعن علم مش نحكم بما لا نعرف فعملنا إحصاء لقينا
3300 سؤال في دار الإفتاء عن الطلاق الشفوي دا إحصاء عن الطلاق الشفوي لقينا
3 فقط اللي وقع طلاقهم وباقي العدد 3297 لا يقع الطلاق لأن لاتتوفر فيه شروط
الطلاق الشرعية واتحلت المشكلة
يعني لو أخدنا برأيهم وقلنا لـــ 33000 روحوا للمأذون طلقوا ووثفوا الطلاق هتبقى
مصيبة سودا لأن كل العدد دا طلعنا منهم 3 فقط وقع طلاقهم والباقي موقعش طلاقهم

طيب أنتم عاملين الهيصة دي كلها ليه ؟؟
قولولنا انتوا عايزين إيه ؟؟؟
بتقولوا الطلاق الشفوى لا يقع ليه ؟؟؟؟
طيب هنفترض بأن الطلاق الشفوي لا يقع فرضا يبقى هنضحك علينا الأمم

هناخد مثل وهنمشي ورا رأيهم مثلا
واحد قال لمراته عايز افطر فول قالتله حاضر واتأخرت شوية قام قايل
ليها اتأخرتي ليه روحى وانت طالق
قالت له إنت طلقتني ؟؟ قال لها : لأ دا أنا بهزر معاكي
هيطلقها كل يوم وكل ما يتغاظ عشر مرات
طيب معلش أهو لا يقع وخلاص "
لأ بس هيه مش هتسكت خاصة لو ما هياش مرتاحة معاه
وهتقول دا محرم عليا بعد 3 طلقات هيبقى محرم عليها وهتمنع نفسها
منه وهتحصل فتنة اجتماعية عمياء صماء لا قبل لنا عليها ودي تبقى نصيبة سودة

حكاية ان الطلاق الشفوي لا يقع ومنحسبهوش طلاق ـــ دي تبقى تربية للناس على وجود مشااااكل
دا انت عملت مشااااكل جديدة ونحن لا نقبل لبلدنا التي أحببناها أن تقع في هذه الوهدة السحيقة
دي تبقى مصيبة سودة لو أنها وقعنا في هذه الوهدة
ما هو لما بيروح للمأذون لازم بيشهد اثنين
دا في القانون وبيوقعوا امام المأذون علي الوثيقة
أمال إيه المشكلة ؟؟
لما يكتشف الناس إن كل دا موجود في القانون من حوالي 80 سنة
فانت هتسأل أمال هي إيه المشكلة ؟؟
طيب قولوا لنا إيه المشكلة ؟؟؟
دي انشاء للمشكلة ومش حل للمشكلة
إذن أيوه الطلاق الصريح يقع
إيوة الطلاق الشفوي يقع

طيب أمال نتغلب على حدوتة الطلاق ازاي؟؟؟
إيه ياجماعة سبب الطلاق ؟؟؟
عايزين نشوف سبب الطلاق إيه ؟؟

بعض الناس بتحسب إن العلاقة الجنسية هي السبب الوحيد للطلاق
ولكن أغلب القضايا والمشكلات التي ينشأ بسببها الطلاق هو الإقتصاد
والخلل الإنفاقي بسبب الناس مش قادرة على المعيشة
إما لفقر وإما لبخل وإما لكثرة عيال وإما لكثرة طلب وعايشين في مستوى فوق
مستواهم وأسباب أخرى كثيرة ولكن أغلبها بيكون بسبب الجانب الاقتصادي
يبقى السبب الأول للطلاق هو السبب الأقتصادي

والسبب الثاني : عدم اتفاق المشرب
يعني إيه عدم اتفاق المشرب ؟؟
قال يعني هو بيحب يسهر وهيا مبتحبش تسهر
هو بيحب يتفرج علي حجات في التلفزيون وهي مبتحبش او العكس
هو بيحب تملي يزور أهله لكن هيه مبتطقهمش
هو بيحب الملوخية وهيا بتعتبر الملوخية سبب الأمراض
كلها مشارب يعني مش متفقين وخاصة في البيئات المختلفة بأقصى صوره

مبيغسلشي سنانه وعايز يقبلها يقبلها ازاي؟؟؟؟
بيشرب سجاير وريحة بقه وحشة مش نضيف
وهي أيضا كذلك وخد مندة كتير بقى في حكاية عدم اتفاق المشرب

السبب الثالث : التفاهم الجنسي والتوافق الجنسي اللي احنا كنا فاكرين ان دا
هو السبب الأول ولا طلع نمرة واحد ولا حاجة ياااامه بيوت كتير وأزواج نسيت
الحكاية دي وكويسين ومشين في أمانة الله طيب ليه ؟؟؟؟
لأن الراجل أخلاقه كويسه ومعيشها في مستوى كويس والست أخلاقها كويسه وراضين
وكمان فيه نفقة كويسة ومعيشه عيشة محترمة وكويسة وفيه أولاد وكبروا فبتتغاضي
عن الحكاية دي لعدم اختلال الحياة

السبب الرابع : ومن الأسباب أيضا تدخل الأهل سواء من أهل الزوج أو من أهل الزوجة
بيحشروا نفسهم في كل حاجة ودى عالجتها السنما المصرية كتير

والسبب الخامس : عدم الإنجاب وهو الرغبة في وجود أطفال برضة سواء كان من الزوج
أو من الزوجة أو الرغبة في وجود أولاد ذكور

السبب السادس : هو نسيان الناس للأصول البنت بتبقى مش عارفة ومش متربية ومتعلمة
أصول الحياة الزوجية والولد بيبقى مش عارف يعنى إيه أصول الحياة الزوجية لا بينفق عليها
ومجوعة وما بيصرف عليها ومش فاهم ان النفقة علي الرجل وهيا مش فاهمة أصول الحياة
الزوجية من رعاية الزوج والأولاد طول النهار عايشة في النوادى والسينما والسهرات والحفلات
كل دا عدم معرفة الأصول

السبب السابع : الحب الطارئ إيه الحب الطارئ الزوج ابتدى يحب واحدة ست علماء النفس بيقولوا
إن هذا النوع أكثر مدة له 3 سنوات الحب الملتهب بتاع الجامعة والكلية اللي هو زي حب قيس وليلي
ورميو وجولييت هو عبارة عن 3 سنين وبعد كده يا إما ينتهي ـــ يا إما يتحول إلي عشرة طيبة
الحب الطارئ هو إن الزوج أحب واحدة ست قوم زوجته ولعت مطقتشي قوم تطلب الطلاق

السبب الثامن هي قليلة وهي الحالة الطارئة طرأت حالة زي هو أصيب في حادثة أو هى
مرضت فيه بعض الناس لا تطيقه لما يلاقي الزوج زوجته مرضت قوم يطلب الزواج أو
الطلاق أو هو أصيب في حادثة أو مرض وتخشي الفتنة قوم تطلب الطلاق متقدرش تستمر
في الحياة الزوجية وقد تغير الحال ــ وممكن يتغير الحال الإقتصادى أو تغير الحال الديني
أو تغير الحال الاجنماعي كل دا بنسميه الحالة الطارئة

لما نيجي نحلل الـــ 40 في المائة حالات الطلاق هذه يبقى نستطيع نحط برامج سواء
كانت في برامج التعليم سواء كانت في برامج الإعلام سواء كانت في برامج الثقافة
العامة سواء كانت في الدراما لمعالجة هذه الظاهرة اللي هيه مصيبة
طيب عايزين نعمل إيه ؟؟؟
يعني الكاثوليك لا طلاق عندهم زواجهم أبدي ليس فيه طلاق علي الإطلاق مهما حصل
طيب ما هى دى مش شريعة الاسلام يبقى قول الصراحة هو انتم عايزين تغيروا شريعة الاسلام ؟؟

يبقى محدش هيسمع كلامكم ويبقى بتهدم الدين وبتغيروا في شرع الله وبتغيروا في منهج رسول الله
يبقى الطلاق مش احنا الي عملناها الطلاق مسألة ربانية سواء كانت في اليهودية أو المسيحية
أو الإسلام فعلينا أن نكون حكماء
فحل هذه المشكلة ليس بالإجراءات وإنما بالسياسات حط سياسة في التعليم في التربية في الثقافة
مش نحط اجراء
ممنوع نحط إجرأت في الأحوال الشخصية لأن فيها جانب إلهي وفيها جانب اجتماعي وفيها جانب
اقتصادي وفيها جانب أمني أمن المجتمع يبقة لابد أن نعود إلي الشريعة الإسلامية بذكاء
وصل اللهم علي محمد وعلي أله وصحبه وسلم

الموضوع الأصلي: هل الطلاق الشفوى لايقع ؟؟؟ || الكاتب: قطعة سكرَ ، || المصدر: منتديات غيمة عطر

منتديات غيمة عطر

---

ig hg'ghr hgat,n ghdru ??? >>>> g'vp hggi hgvplk hg,v,] [ugi ulg; ,[ug

(’)

.
دَام عَطَائِكْ.. يَآطُهرْ..
وَلَا حَرَّمْنَا أَنْتَقَائِكْ الْمُمَيِّز وَالْمُخْتَلِف دَائِمَا
حَفِظَك الْلَّه مِن كُل مَكْرُوْه ..
*
تَحِيّه مُعَطَّرَه بِالْمِسْك.., ,

جزاك الله خير
وبارك الله فيك
وجعلها في موازين حسناتك
واثابك الله الجنه ان شاء الله
على ماقدمتي ..

الله يعطيك العافيه ع المجهود رائع جدا

_



جَزآك آلمولٍى خٍيُرٍ " .. آلجزآء .. "
و ألٍبًسِك لٍبًآسَ
" آلتًقُوِىَ " وً " آلغفرآنَ "
وً جَعُلك مِمَنً يٍظَلُهمَ آلله فٍي يٍومَ لآ ظلً إلاٍ ظله .~
وً عٍمرً آلله قًلٍبًك بآلآيمٍآنَ .~
علًىَ طرٍحًك آلًمَحِمًلٍ بنًفُحآتٍ إيمآنٍيهً .!

للهَ درِك

جزاك الله خير وجعله بموازين.. حسنااتك..}
لا عدمناا حضوورك
لروحك احترامي وتقديري

يعطيك العـــافيه ع الطــرح

سلممت الاننامل

تحياتي

الله يجزاك كل خير على مجهودك...
ويجعل الأجر الاوفر بميزان حسناتك...
ننتظر جديدك...

جزاك الله الف خير على هذا الطرح القيم
وجعله الله فى ميزان اعملك ....
دمت بحفظ الرحمن ....
ودى وشذى الورود

ه

لجهودكم باقات من الشكر والتقدير
على المواضيع الرائعه والجميلة
........................